ASTRITES seu Stella Marina

ASTRITES seu Stella Marina

piscis est, quinos radios habens longitudine palmi, cui cortex durus, hispidus, asper et serpentinô colore variatus, flexuosus tamen et radiis ex centro aequis spatiis in circumferentiam paulatim gracilescentibus; cutis non glabra, sed quasi ex meris ossiculis ac spinulis compaginata. Ceierrime natet instarque polypi brachia diducit ac contrahit; os in medio, instar echivi, ita ut alimentum singulis quinque radiis subministrare possit. Dorsum superne in sphaera protuberat, et ipsum hispidum, durum ac asperum: Magis tamen ventre glaber est; maculis alternatim, cinericiô colore albicantibus et nigredine obfuscatis, intermixtis. Degunt plerumque inter saxorum filluras et hiatus, tamquam propriis pabuli sui domiciliis; vescuntur quippe maxime humore salsuginosô rupium ostreisque marinis, iisque quae mollia dicuntur, passim insidias struunt et apprehensa tota exsugunt ac delumbarit. Cuiusmodi plures visuntur in Musaeo Kircheriano Romae, ut referr Georg. de Sepibus in Collegii Rom. Societ. Iesu Musaeo, p. 26.